"ZenMoney" - xərclərin hesablanması üçün ən populyar büdcə tətbiqlərindən biridir. O, sadə və aydın interfeysə, həmçinin aşağıdakı funksiyalara malikdir:

• Xərclər kateqoriyalarının yaradılması;
• Büdcələrin bölünməsi;
• Xərclər tarixçəsinin izlənməsi;
• Bank kartlarından avtomatik xərclərin tənzimlənməsi;
• Digər tətbiqlərdən məlumatların idxalı.

"ZenMoney"-nin ödənişsiz versiyası mövcuddur, lakin əlavə funksiyaları açan premium abunəlik də satın alınabilər. Belə olan təqdirdə, bütöv funksionallığa aşağıdakılar daxil olacaq:

• Xərclərin daha geniş statistikası;
• Xərclərin şablonlarını yaratmaq imkanı;
• Digər cihazlarla sinxronizasiya.

“ZenMoney” tətbiqinin ən nəzərəçarpan əskikləri isə bunlardır:

• Bəzi istifadəçilər “ZenMoney” tətbiqinin interfeys və dizaynının bir az köhnəlmiş tərtib edildiyini və tamamilə intuitiv olmadığını qeyd edirlər. Onların fikrincə, tətbiqdə bəzi funksiyalara daxil olmaq o qədər də asan olmaya bilər və ya onları mənimsəmək üçün əlavə vaxt tələb oluna bilər.
• Həmçinin bəzi rəylərdən anlaşılır ki, tətbiq məlumatları müxtəlif cihazlar arasında sinxronizasiya etməkdə çətinlik çəkir. Bu isə əməliyyat və xərc məlumatlarının gecikməsinə və ya natamam sinxronizasiyasına səbəb olur.

“Money Manager” tətbiqi şəxsi maliyyəni idarə etmək üçün əla vasitədir və sənə gəlirlərini, xərclərini və büdcələrini izləməyə kömək edə biləcək geniş xüsusiyyətlər təklif edir. “Money Manager” tətbiqinin bəzi üstünlükləri bunlardır:

• Android, iOS və veb brauzerlər də daxil olmaqla, bir neçə platformada işləməsi;
• Bəsid interfeysə sahib olması;
• Gəlirlərin, xərclərin, büdcələrin, hesabların və hətta investisiyaların izlənməsi də daxil olmaqla, geniş funksionallıq təklif etməsi;
• İstifadəçinin maliyyə əməliyyatları haqqında ətraflı statistikanın dərci.

Lakin yuxarıda sadalananlarla birgə, “Money Manager”-in bəzi mənfi cəhətləri də var. Onlar, aşağıdakıları əhatə edir:

• Yeni başlayanlar üçün istifadə bir az çətin ola bilər. Beləki başlanğıc səhifəsində bir çox element gözə çarpır;
• Digər tətbiqlərdən məlumatların idxalı kimi bəzi xüsusiyyətlər yalnız tətbiqin ödənişli versiyasında mövcuddur.

“CoinKeeper” bank kartlarından əməliyyatların avtomatik olaraq aparılmasında ixtisaslaşmış büdcə tətbiqidir. O, sadə interfeys və geniş xüsusiyyət dəsti təklif edir.

• Daha əvvəl də qeyd edildiyi kimi, CoinKeeper-in əsas üstünlüklərindən biri bank kartlarından xərclərin avtomatik idarə edilməsidir. Bu, məlumatları əl ilə daxil etmədən xərclərini şablon qaydada qeyd etmək istəyənlər üçün çox əlverişli variantdır;
• Bundan əlavə, tətbiq xərcləmə kateqoriyalarını yaratmaq və büdcələri təyin etmək imkanı da təklif edir ki, bu da xərclərinizi effektiv idarə etməyə və onları müəyyən büdcə daxilində kontrol etməyə kömək edir;
• “CoinKeeper” həmçinin istifadəçilərinə xərclərini lazımi valyutada asanlıqla izləməyə imkanı verən multi-valyuta dəstəyi də təklif edir. Bu, xüsusən səyahət edənlər və ya maliyyə əməliyyatlarında fərqli valyutalar işlədənlər üçün çox faydalı amildir.

Bununla birlikdə, “CoinKeeper” tətbiqinin bəzi mümkün çatışmazlıqlarını da qeyd etmək lazımdır:

• Birincisi, tətbiq hərdən əməliyyat məlumatlarını düzgün icra etmədiyi təqdirdə, bank kartlarından xərclərin avtomatik silinməsi prosesi baş verə bilər. Bu isə, öz növbəsində, xərclərin izlənilməsində səhvlərə səbəb ola bilər;
• İkinicisi, “CoinKeeper”, bir çox digər proqramlar kimi, əlavə xüsusiyyətlərə giriş imkanı verən premium abunəlik təklif edir.

Multi-valyuta dəstəyi sənin üçün vacibdirsə, bu kateqoriyada ən yaxşı büdcə tətbiqlərindən biri də “Monefy”-dır. Bu tətbiq, bütün xərc və gəlirlərini izləməyi asanlaşdıran cəlbedici və intuitiv interfeysə malikdir.

Tətbiqin əsas ekranında bütün xərcləri müxtəlif kateqoriyalara görə əks etdirən qrafik əks olunur. Burada həmçinin günlük, həftəlik və ya aylıq xərcləri izləyə, hesabat dövrü seçə və qrafiklərlə xərclərin vizual statistikasını tərtib edə bilərsən.

• Monefy-nin əsas üstünlüklərindən biri, qeyd edildiyi kimi, multi-valyuta dəstəyidir.
• Fərqli ölkələrdə və ya fərqli valyutalarla tez-tez alış-veriş edirsənsə, bu tətbiq xərclərini lazımi valyutada qeyd etməyə imkan verir.
• Tətbiqə birdən çox hesab əlavə edə bilərsən ki, bu da müxtəlif mənbələrdən xərclərin və gəlirlərin uçotunu asanlaşdırır.
• Bundan əlavə, Monefy xərcləri və gəlirləri hesablayarkən faydalı ola biləcək daxili kalkulyator da təklif edir.

Ancaq Monefy tətbiqinin də bəzi çatışmazlıqlarını qeyd etmək lazımdır:

• İlk olaraq, bəzi istifadəçilər məlumatları müxtəlif cihazlar arasında sinxronizasiya etməkdə çətinlik çəkirlər.
• Tətbiqin interfeysində xərclərin geometrik fiqurlar əks olunması bəzi istifadəçilərə qəliz gələ bilər.
• Statistika tərtibi, multi-valyuta uçotu və ödəniş planlaşdırması kimi bəzi xüsusiyyətlər yalnız ödənişli versiyasada mövcuddur.

“1money” sürətli və asan mobil büdcə tətbiqidir. “1money”-in əsas imkanlarına xərclərin və gəlirlərin rahat aparılması, büdcələşdirmə, xərcləmə və gəlirlərin planlaşdırılması daxildir. Tətbiq sənə məlumatları diaqram şəklində göstərə, maliyyə investisiyalarını və gəlirləri kateqoriyalara bölməyə və bütün pul əməliyyatlarını xətti şəkildə görə bilməyə imkan verir. Tətbiq ayrıca məlumatların avtomatik sinxronizasiyasını, parolla kilidləməni, ekran interfeysini və həftənin/ayın başlanğıc günlərini fərdiləşdirmə funksiyasını dəstəkləyir.

Beləlkilə “1money”-in üstünlükləri arasında:

• Əməliyyatların sürətli icrası və intuitiv kateqoriya bölgüsü;
• Xərclərin vizual (xətti və qrafik) şəkildə izlənməsi;
• Cari məzənnə ilə daxili valyuta konvertoru və multi-valyuta seçimi;
• Məlumatların birdən çox cihaz arasında sinxronizasiyası və onların buludda saxlanması parametrləri var.

“1money”-in mənfi xüsusiyyətləri:

• Müəyyən dövr üçün xərclərin göstərilməməsi;
• Qəliz xərc planlaşdırma sistemi.