Zabeta
Müəllif
29.12.2023
Yeni il bayramına məsləhətlər: Cibinə ziyan vurmadan necə hazırlaşmaq olar
Yeni il bir çoxlarının sevimli bayramıdır. Lakin yeni il qabağı xərclər cibinizə ziyan vura və bayram əlval-ruhiyyənizi korlaya bilər. Bayram süfrəsi, ailə üzvləri və dostlar üçün hədiyyələr, yeni geyimlər, şam ağacı və onun bəzəkləri – bütün bunlar ailə büdcəsinə əhəmiyyətli ziyan vura bilər. Bayramsız qalmadan xərcləri azaltmaq olarmı, və hədiyyələrə artıq pul xərcləməmək üçün nə etməliyik? Sənə bir necə məsləhətimiz var.
Büdcəni müəyyən et
Hər zaman olduğu kimi ilk öncə bayramın büdcəsini planlamaqdan başlamaq lazımdır. Yeni il bayramı üçün xərcləməyə hazır olduğun məbləği Excel cədvəli və ya kağız üzərində qeyd et. Buraya bütün xərcləri daxil et: hədiyyə xərcləri, evin yeni il üçün bəzənməsi, bayram süfrəsi, fişəng, geyim, gözəllik salonu, şirniyyatlar, uşaqlar üçün Yeni il şənliklərinə biletlər, yeni il fotosessiyası (studiyanın arendası və fotoqrafa ödəniş) üçün xərclər və s. Hər biri üçün müəyyən bir məbləğ ayır, sonra isə hansı xərcləri azalda biləcəyini müəyyən et.
Əsas məsələ Yeni ili necə və harada qeyd edəcəyini müəyyən etməkdir:
Bayram süfrəsi xərcləri haqqında əvvəlcədən düşün. Bayramı dostlarınla qeyd edirsənsə, kimin salat, qəlyanaltı, şirniyyat və meyvə gətirəcəyini aranızda bölüşdürün. Çox yemək hazırlama - ədətən bayramın səhəri çoxlu yemək qalır və bir hissəsi atılır.
- dostlarınla/ ailənlə evdə və ya ikilikdə/ qonaq gedərək (bu halda xərclərini özün tənzimləyirsən)
- şəhər kənarında mehmaxanada (1000 AZN-dən başlayaraq)
- restoranda (300 AZN-dən başlayaraq)
- mərkəzi şam ağacının yanında (pulsuzdur, amma hava şəraiti buna imkan verməyə bilər)
- xarici ölkədə
Bayram süfrəsi xərcləri haqqında əvvəlcədən düşün. Bayramı dostlarınla qeyd edirsənsə, kimin salat, qəlyanaltı, şirniyyat və meyvə gətirəcəyini aranızda bölüşdürün. Çox yemək hazırlama - ədətən bayramın səhəri çoxlu yemək qalır və bir hissəsi atılır.
Bu, Yeni ilə hazırlıqda qənaətçil olmağın qızıl qaydasıdır. Alış-verişi bayrama az qalmış etsən, daha çox xərcin çıxacaq və əsəblərin korlanacaq. Ona görə də market alış-verişini əvvəlcədən planlaşdır, xüsusilə də söhbət uzun istifadə tarixi olan və bayramdan bir neçə ay əvvəl alına bilən məhsullardan (məsələn, konservlərdən və ya içkilərdən) gedirsə.
Hər şeyi son ana saxlama
Siyahı tərtib et
Siyahı tərtib etmək qaydası Yeni il bayramı üçün çox aktualdır, çünki bayram ərəfəsində artıq bir şey almaq istəyi yüksək olur. Supermarketlər bayram üçün bəzədilir, Yeni il musiqisi səslənir, vitrinlərə endirim təklifləri asılır – bütün bunlar sənin daha çox pul xərcləməyin üçün edilir. Yeri gəlmişkən, kampaniyalara ehtiyatla yanaşmaq lazımdır: müxtəlif pərakəndə satıcıların mallarının qiymətlərini müqayisə edin, çünki malın super təklif adıyla real qiymətinə satılması ehtimalı yüksəkdir. Dekabrın son iki həftəsi ərzində alış-veriş etdiyinizdə xüsusilə diqqətli olun.
Kredit götürməyə dəyərmi?
Qəti şəkildə hədiyyə almaq üçün kredit götürməyin. Krediti bayram bitdikdən sonra aylarla ödəməli olacaqsınız. Аdətən pul yığmayan və maaşlarını ayın ilk həftəsi ərzində xərcləyib bitirən insanlar kreditə əl atırlar. Bu da o deməkdir ki, onsuz da sabit olmayan büdcəni kredit tamamilə məhv edə bilər.
Hədiyyə alarkən necə iflas olmayaq?
- Hədiyyələr siyahısını yeni il eyforiyası başlamadan, oktyabr və noyabr aylarında tərtib et. Beləliklə, qiymət və keyfiyyət olaraq uyğun hədiyyə tapmaq üçün daha çox vaxtın olacaq, həm də hədiyyəni tələsmədən ala biləcəksən.
- Həmişə öz imkanların daxilində hərəkət et, heç kimi heyrətləndirməyə çalışma. Hədiyyənin dəyəri onun qiymətində deyil, insana ona qarşı münasibətini göstərməyindədir. Hədiyyəni ürəkdən ver!
- Yaxınlarınla bir-birinizə müəyyən bir məbləği keçməyən hədiyyələr almağa razılaşa bilərsən. Daha bahalı hədiyyələri ad günləri üçün saxla.
- Qoxumlarına yadigar qalacaq hədiyyələr – uşaqların və ya özünün əl işlərini – verin. Məsələn, uşağın çəkdiyi rəsmin təsvir olunduğu futbolka gözəl bir hədiyyə ola bilər.
- Müəyyən müddət ərzində istifadə oluna biləcək massaj, kosmetik prosedurlar, idman, master-klasslar kimi maraqlı məşğuliyyətlərə hədiyyə kartları və ya sertifikatlar kimi “ağıllı” hədiyyələr ver. Əl işi şokoladı, çay və ya qəhvə kimi yeməli hədiyyələr də hər zaman aktualdır.
- Qoxumların və dostlarınla yanvar tətili zamanı görüşməyi planlaşdırmısansa, onlar üçün hədiyyələri elə yanvarda almaq daha sərfəli olar. Adətən 31 dekabrdan sonra məhsullar xeyli ucuzlaşır.
- Mağazalarda hədiyyələrin paketləşdirilməsinə pul xərcləmə. Hədiyyələri özün və ya uşaqlarınla birlikdə paketlə. İnternetdə hədiyyəni gözəl və effektiv şəkildə paketləmək üçün çox sayda sadə master-klass tapa bilərsən.
Bu sadə məsləhətlərə riayət edərək, yəni şəxsi büdcəni qənaətli şəkildə planlaşdıraraq, sən daha düşüncəli şəkildə maliyyə qərarları verməyə başlayacaqsan və tədricən bu, vərdişə çeviriləcək.
m10-u yüklə
Yükləmək üçün telefonun kamerası ilə QR kodu skan et
Oxşar məqalələr
