Lazım olduğundan çox məsul almamağın ən asan yolu xərcləyə biləcəyin məbləği öncədən müəyyənləşdirməkdir. Bunu m10-da özünə müəyyən bir limit qoyaraq (məsələn, günə 20 manat) edə bilərsən. Bunu daha aydın şəkildə görmək üçün kalkulyatordan istifadə etmək olar: müəyyən məsulların hansı məbləğə başa gəldiyini görəndən sonra onları impulsiv şəkildə almayacaqsan.

Təsəvvür et ki, siyahıda qeyd etdiyin bütün məsulları artıq arabaya yığmısan, və əlində artıq pul qalıb. Ayrılmış məbləği tam şəkildə "bitirmək" üçün əlavə bir məsul alma. Ondansa, əlində qalan pulu depozit hesabına köçür. Beləliklə, özünün də xəbərin olmadan pul yığa bilərsən.

Hipermarketlərdə ən lazımlı məsullar adətən zalın arxa hissəsində yerləşdirilir. Bu onun üçün edilir ki, alıcılar onlara lazım olan məsulu axtararkən əlavə məsullar da alsınlar. Buna görə də, marketə yalnız bir məsul, məsələn, süd, yağ və ya baton almağa gəlmisənsə, səbətdən istifadə etmə. Səbətin olmasa, əlinə çox məsul yığa bilməyəcəksən.

Mağazaya özünü biraz ac hiss edəndə getsən, ləzzətli görünən bubliklərdən bir-iki dənə almaqdan vaz keçə bilməyəcəksən. Çörəklər piştaxtalara gözəl düzülüb, qənnadı məmulatların içində meyvə parçaları parıldayır, hələ sobadan yeni çıxmış şirniyyatlardan danışmırıq. Və budur, sən artıq kassadan uzaqlaşan kimi əlindəki bulkanı yeməyə başlayırsan, üstündən də yoğurt içirsən.

İmpulsiv şəkildə bir əşyanı almaq çox istəyirsənsə, həmin məsulu daha sərfəli qiymətə tapmağa çalış. Məsələn, kitab mağazasında bir kitabı çox bəyənib almaq istəyirsən. Telefonunu aç və araşdır: bəlkə, həmin kitabı onlayn pulsuz çatdırılmayla daha ucuzuna sifariş edə bilərsən? Biraz vaxt çəkə bilər, amma gözləməyə dəyər. Kitab haqqında rəyləri də oxu, bəlkə də heç xoşuna gəlməyəcək. Eyni prinsip müxtəlif qurğuların və məişət texnikasının alınmasına da aiddir.

Pərakəndə satıcılar qiymətlərlə oynamağı sevirlər. "20%-i pulsuz" və ya "birinin qiymətinə iki" yazıları və ya "yalnız bu gün" kimi günün təklifləri bizə cəlbdici gəlir. Burada düşüncəli davranmaq çox vacibdir.

İlk öncə, hansısa bir məsulun nəyə görə endirimə düşdüyünü öyrən: bəlkə, onun həcmi daha kiçikdir və ya son istifadə tarixi keçir. İkincisi, sənə həmin məsulun bu miqdarda lazım olub-olmadığını düşün, axı sən bu məsuldan ancaq bir ədəd almağı planlaşdırırdın (sənə isə aşağı qiymətlə daha çoxunu satmağa çalışırlar). Üçüncüsü də, söhbət növbəti gün məsulun qiymətinin dəyişəcəyi kampaniyalardan gedirsə, (bu növ kampaniyalar xüsusilə də məişət əşyaları mağazalarında tez-tez rast gəlinir), tələsmə. Həmin qəhvə maşının və ya printerin gələcəkdə sənin üçün nə qədər sərfəli olacağını düşün (bəlkə, qəhvə kapsulları baxa başa gələcək, və ya printer üçün kartric tapmaq çətin olacaq).