Avtomobilin varsa rayon səyahətləri həm sərbəstlik, həm də rahatlıq deməkdir. Xüsusilə həftəsonları üçün Azərbaycanın füsunkar təbiəti, dağ yolları və tarixi kəndləri səni yeni kəşflərə çağırır. Aşağıdakı marşrutlarla sən həm əylənə, həm də yol boyunca gözəl mənzərələrin dadını çıxara bilərsən.

Şimal bölgəsinin bu səyahət xətti sərin iqlimi və yaşıl təbiəti ilə seçilir. Yaz aylarında səyahətə çıxsan, Qubada alma bağları, Qusarda isə şəlalələr və Laza kəndinin dağ mənzərələri səni valeh edəcək. Yol boyunca yerli restoranlarda dayanmaq və təbii məhsullardan dadmaq isə işin ən ləzzətli hissəsidir.

Mədəniyyət və tarixlə maraqlanırsansa, bu marşrut sənin üçündür. Şəki xan sarayı, qədim karvansaray və Qaxın sakit küçələri səni başqa bir dövrə aparacaq. İlisu isə həm dağ havası, həm də yayla ab-havası ilə fərqlənir. Qaxda meşə ilə gəzərkən təsadüfən qarşına beş yüz illik Alban məbədi də çıxa bilər, sağa sola qaçan dovşan da, uzaqdan səni izləyən ceyran da.

Təmiz təbiət və göl mənzərəsini sevirsənsə, bu istiqamət tam sənlikdir. Göygöl Milli Parkı gəzinti və piknik üçün fısqırıq ideyadır. Yəqin ki, ölkəmizdə görə biləcəyin ən yaxşı mənzərələrdən biri olacaq. Gəncəyə qayıdarkən isə şəhərin tarixi mərkəzini, çıxışdə isə Nizami türbəsini ziyarət etməyi unutma.