Qanunsuz mərc və qumar oyunları bir çoxlarına “asan qazanc mənbəyi” kimi görünsə də, işin arxasında ciddi risklər dayanır; hüquqi, maliyyə və hətta fərdi təhlükəsizlik baxımından. Bu yazıda qanunsuz mərclərin əsas təhlükələrini və niyə rəsmi, lisenziyalı platformalara üstünlük verməyin lazımlı olduğunu izah edəcəyik.

Qanunsuz mərc oyunlarında iştirak edən hər kəs ilk növbədə hüquqi məsuliyyət daşıyır. Əlavə riskləri və səbəblərini aşağıda oxuya bilərsən:

• Qanunla qadağandır, çünki Azərbaycanda yalnız lisenziyalı platformalarda mərcləşməyə icazə verilir. 
• Bilmədən cinayətə işinə belə qarışa bilərsən, çünki bu cür veb-saytlar pul yumaq üçün illeqal vasitə kimi istifadə olunur.
• Qanunsuz saytlarda pul itirsən, heç kim səni qorumayacaq, çünki dövlət və ya bank bu əməliyyatlara qarışmır.
• Hesabın bağlanarsa və ya sayt fəaliyyətini dayandırarsa, qanuni yolla kompensasiya tələb edə bilməzsən.
• Məlumatların təhlükədədir, çünki belə platformalar fərdi məlumatlarını qorumaq öhdəliyinə malik deyil. Bu da oğurluq və fırıldaq riskini artırır.
• Bildiyin kimi, hər bir əməliyyat sistemdə qeyd olunur və bu, hüquqi araşdırma zamanı sənin əleyhinə olacaq.

Mərc oyunları tez-tez impulsiv qərarlar yaradır: “Sonuncu dəfə yoxlayım”, — deyirsən… Bu isə həm psixoloji təzyiq yaradır, həm də cibinə ziyan vurur, yəni kiçik itkiyə görə daha böyük risklərə girirsən.

Odur ki pulunu bir neçə dəfə itirdikdən sonra əməliyyatı dayandır. Ən azından 1 saatlıq fasilə ver və həmin pulu başqa xırda əyləncəyə xərclə ya da qənaət balansına at. Əgər idarənin əlində olmadığını hiss edirsənsə, mütləq professional kömək al.

Etibarsız platformaları müəyyən etmək üçün aşağıdakılara fikir ver:

• lisenziya nömrəsinin olmaması;
• yalnız kriptovalyuta və ya nağd çıxarış tələbi;
• dəqiq qaydaların, eləcə də KYC kimi təsdiqləmələrin olmaması;
• qeyri-adi, səhv yazılmış domen və ya platforma adı;
• qeyri-şəffaf ödəniş mənbələri.

Həmçinin platformanın rəsmi sosial media hesablarını yoxlamağı da unutma.

Əgər bu yazını oxuyursansa, artıq ilk addımı atmısan — məlumatlanırsan. Növbəti dəfə şübhəli link, “100 % qazanc” kimi vədlər görsən, sadəcə bir saniyə dayan və düşün:
— Bu, doğrudan da, qazancdır, yoxsa tələdir?

Ağıllı seçim et, şəffaf platformalara üstünlük ver və dəyərlərinə sərmayə qoy. M10 ilə ölkəmizdəki qanuni idman- mərc oyunlarına pul yükləyə və pulunu götürə bilərsən!