Yəqin ki, sən də hər ayın əvvəli bankların keşbek kateqoriyalarına baxanda: “Bu dəfə hansı bankla xərcləyim” — deyə düşünürsən. Bu, fonda passiv yığıma, nəticədə isə gələcək ödənişlərdə qənaətə kömək edir. 

Bu məqaləmizdə keşbeklərdən maksimum yararlanmaqda sənə kömək olacağıq. 

Keşbek təkliflərindən düzgün istifadə edildiyi halda ayın sonunda ciddi məbləğ yığmaq mümkündür. Odur ki bu kampaniyalardan maksimum fayda əldə etmək üçün aşağıdakı məqamlara diqqət yetirməyin məsləhətdir:

• Daim izləmədə ol: Banklar hər ay müxtəlif kateqoriyalarda keşbeklər və bonuslar təklif edir. Ona görə də hər ayın əvvəli istifadə etdiyin bank tətbiqlərini nəzərdən keçirməyi unutma.
• Şərtləri diqqətlə oxu: Bəzi kampaniyalarda minimum məbləğ tələbi və ya başqa şərtlər tələb olunur. Şərtləri mütləq diqqətlə nəzərdən keçir.
• Əlamətdar günlər: Bayramlarda və hətta ad günündə sənə özəl əlavə təkliflərdən yararlana bilərsən.

Gəl “Birbank”, ABB, “Leobank”, “Rabitəbank” və m10-un bonus və keşbek təkliflərinə nəzər yetirək.

İstisna halları çıxsaq, alış-verişlərdə qazanılan keşbek faizi əksər hallarda 8-10 %-dək olur. Partnyorlarla əməkdaşlıq vasitəsilə də müəyyən endirimlər təklif edilir. Yuxarıda da qeyd etdiyimiz kimi, bayram və xüsusi günlərdə faiz dərəcələrində dəyişikliklər baş verə bilir. “Black Friday (Qara cümə)”, Yeni il, 8 Mart və digər bayramlarda həm bankların özü, həm də partnyorlar yaxşı kampaniyalar təşkil edir.

Gündəlik xərclər qaçınılmazdır, ona görə də həmin xərclərdən maksimum fayda qazanmaq ən yaxşısıdır. İstər onlayn, istərsə də fiziki mağazalardan daha çox qazanmaq və qənaət etmək istəyirsənsə, məsləhətlərimizə qulaq asmağın mütləqdir.