İndi gənclərin bir çoxundan niyə öz peşələrini seçdiklərini soruşsaq, eşidəcəyimiz cavablar, yəqin ki, belə olar:
“Atam dedi, bu peşənin adı-sanı var”
“Anam dedi ki, maaşı yaxşıdır”
“Dayımın tanışı burada işləyirdi, məni də yönləndirdilər”

Yəni qərarlarımız çox vaxt başqalarının təcrübəsinə əsaslanır, halbuki əmək bazarı dəyişib. Artıq bəzi “klassik” sahələrin gəliri elə də yaxşı deyil və onları yeni, hətta tanımadığımız peşələr əvəzləyir.

Valideynlərin təkidi və ya öz istəyinlə 5 il oxuyub sonda işə düzəlirsən, amma digər tərəfdən öz əldə etdiyin bacarıqla 3 ayda müştəri qazana bilirsən. Səbəb isə bazarın tələbləri dəyişib və əsas bacarıqlar bu gün bunlara çevrilib:

• Təhlil və optimizasiya
• Digital alətlərdə rahatlıq və adaptasiya;
• Süni intellekt və “no-code” alətlərdə işləmək;
• Yaradıcı düşüncə və daha çoxu.

Əvvəl ənənəvi model universitet, diplom, iş və təqaüd zənciri ilə irəliləyirdisə, indi hər şey bacarıqla başlayır və təcrübə ilə sürətlənir. Sözümüzün canı odur ki, yaxşı işə və gəlirə sahib olmaq üçün sadəcə universitet təhsili bəs etmir. Özünün müasir bacarıqların olmalı və bunlarda təkmilləşməlisən.

P.S. Bizim məqsədimiz səni təhsildən uzaqlaşdırmaq yox, özünün üzərində işləməyə təşviq etməkdir.

Hə, dediyimiz kimi, dövr dəyişib və artıq potensialı olan peşələrdən bəziləri aşağıdakılardan ibarətdir:

• Data analitik
• UX/UI dizayner
• “No-code” proqramçı
• İnfluenser və İnfluenser marketinq meneceri
• Süni intellekt prompt mühəndisi
• Digital məzmun yaradıcısı
• Avtomatlaşdırma mütəxəssisi

Bu peşələrin adları ailə süfrəsində hallanmasa da, onlar artıq real şirkətlərlə və müştərilərlə işləyir, arzuolunan gəlir səviyyəsinə rahatlıqla çatırlar.