Son 2-3 ildə Çin istehsalı olan avtomobillər Avropa və Asiya bazarlarında ciddi maraq doğurub. Belə ki, bir vaxtlar “ucuz alternativ” kimi görünən Çin avtomobilləri bu gün artıq dizayn, texnologiya və komfort baxımından tanınmış brendlərlə eyni masada müzakirə olunur. Bunun əsas səbəbləri isə müasir və futuristik dizayn, zəngin texnoloji təchizat və ən əsası daha əlçatan qiymətlərdir.

Amma bir sual hələ də açıq qalır: 
Çin avtomobil istehsalçıları necə bu qədər qısa müddətdə bu nöqtəyə gəlib çıxdı?

Çin avtomobil istehsalçılarının ən ağıllı addımlarından biri Avropanın innovativ avtomobil brendlərindən dizaynerləri cəlb etmək oldu. Bu sadəcə kadr dəyişikliyi deyil, həm də bütöv bir baxış bucağının transferi idi.

Məsələn, Hakan Saraçoğlu uzun illər “Porsche”də çalışmış baş dizaynerlərdən biridir. Digər tərəfdən Wolfgang Egger daha əvvəl “Audi”, “Lamborghini” və “Alfa Romeo” kimi nəhənglərin dizayn prosesinə rəhbərlik edib və hazırda BYD-də çalışır. Bu adlar Çin avtomobillərinin niyə tanış və “Avropa dadında” göründüyünü izah edir.

İndi isə söhbəti konkret nümunələrə gətirək. Aşağıda illərdir, yollarda gördüyümüz, dizaynı və adı ilə yadda qalan Avropa avtomobilləri ilə son illərdə diqqət çəkən Çin istehsalı alternativlərini yanaşı göstərmişik. Məqsəd kiminsə “kopyaladığı”nı demək yox, bazarda nələrin dəyişdiyini daha aydın görməkdir.

Bu avtomobillər geniş interyeri, yüksək texnologiyalı rahatlığı və güclü mühərrik imkanları ilə tanınır. Hər iki model həm şəhər, həm də uzun məsafə üçün ideal sürüş təcrübəsi təqdim edir.

“Taycan” sürüşü ilə adrenalin verəndə “Xiaomi SU7” də rahatlığından geri qalmır. Hər ikisi həm şəhərdə, həm də magistral yolda asanlıqla “özünü göstərmək” üçün hazırdır. Belə avtomobillər sürücüyə həm stil, həm də adrenalin hissi verir.

Güclü mühərrikləri və möhkəm şassi sayəsində çətin yollarda asanlıqla hərəkət edə bilirlər. Geniş interyeri sürücü və sərnişin üçün rahatlıq təmin edir. Üstəlik, həm ailə səfərləri, həm də işgüzar səfərlər üçün əlverişli seçimdir.

“Rolls-Royce Cullinan” daxilində masaj oturacaqları və yüksəksəviyyəli materiallarla tam təchiz olunub. “Zeekr 9X” isə bütün bu lüksü təxminən 5 dəfə daha ucuz qiymətə təqdim edir. Hər ikisi həm şəhərdə, həm də yolsuzluqda güclü mühərrikləri ilə asanlıqla hərəkət edir.

Bu maşınlar sadəcə sürmək hox, həm də arxada əyləşib masaj oturacaqlarından zövq almaq, şampan içmək və real VIP təcrübəsini birbaşa yaşamaq üçün nəzərdə tutulub.

“S-Class” içəridə ekranlar, masaj oturacaqları və premium detallar ilə doludur. H9 isə eyni hissi bir az daha “büdcəyə uyğun” verir. Hər ikisi rahat sürüş və prestij hissi ilə sürücünü və sərnişini razı salır.