Bəzən həyat bizi qəfil xərclərlə üz-üzə qoyur; telefon sıradan çıxır, uşaqlara nəsə lazım olur, ya da maaşa hələ bir neçə gün qalıb. Bu zaman ağlagələn ilk çıxış yollarından biri də mikrokredit olur. Mikrokredit, doğrudan da, ağıllı, yoxsa riskli addımdır?

Mikrokredit adətən kiçik məbləğli və qısa müddət üçün verilən kreditlərə deyilir. Cazibəsi isə aşağıdakılardan ibarətdir:

• Bank üçün tonla sənəd toplamağa ehtiyac yoxdur.
• Hətta onlayn müraciətlə belə bir neçə dəqiqə ərzində əldə edə bilirsən.
• Təcili pul lazım olduğu anda rahatlıq gətirir.

Mikrokredit gündəlik ehtiyacları qarşılamaq üçün “ilk yardım” rolunu oynaya bilər. Məsələn:

• maaşa bir neçə gün qalmış bəzi xərcləri qarşılamaq;
• təcili tibbi xərci ödəmək;
• uşaqların məktəb ləvazimatlarını almaq və s.

Bu hallarda mikrokredit insanı çıxılmaz vəziyyətdən qurtarır və vaxtında ödənildikdə heç bir problem yaratmır. Mikrokrediti hər dəfə gündəlik xərcləri bağlamaq üçün istifadə etmək isə maliyyə balansını poza bilər. Çünki xərclər davamlı, kredit əlavə faiz deməkdir. Ona görə də bunu davamlı vərdişə çevirmək olmaz.

• Bir tələbə 500 AZN mikrokreditlə özünə yatırım edir, bacarıqlarını artırır və sonradan gəlirli bir iş tapır.
• Evdə şirniyyat bişirən xanım 400 AZN mikrokreditlə məhsullarını onlayn satmağa başlayır, müştəri bazası yaradır və gələcəkdə özünə kafe açır.

Bu cür nümunələrdən hələ çox çəkmək olar. Sözümüzün canı ondadır ki, kredit yalnız bu günü yox, həm də gələcəyi gücləndirmək üçün alınanda doğru qərara çevrilir.