Dünyada avtomobil xidmətləri sürətlə rəqəmsallaşır. Artıq servisə zəng etmək və ya avtomağazaya getmək əvəzinə, bir çox ölkədə insanlar sadəcə smartfon və ya kompüter vasitəsilə avtomobillə bağlı istənilən ehtiyacı onlayn şəkildə həll edirlər. Bəs Azərbaycanda vəziyyət necədir? Biz də tamamilə onlayn avtomobil ekosisteminə keçməyə hazırıqmı?

Onlayn avtomobil xidmətləri dedikdə təkcə avtomobil almaq və ya satmaq deyil, həmçinin texniki baxışa yazılmaq, ehtiyat hissəsi sifariş etmək, yerindəcə parkinq ödənişləri etmək, yanacaq xərclərini izləmək və hətta avtomobili məsafədən idarə etmək imkanları nəzərdə tutulur. Bu sistemlər daha az kağız işi, daha çox sürət və şəffaflıq gətirir. Suni intelektin və rəqəmsal sistəmlərin sürətli popularlaşmasına baxsaq, yaxin illərdə hər bir avtomobil ilə baqli olan ödəniş yaxud ehtiyyat hissələrini telefonla sifariş vermək mümkün olacaq.

Azərbaycan artıq bir çox sahədə rəqəmsal keçidi uğurla həyata keçirib. Dövlət xidmətlərində ASAN xidmət nümunəsi, bank sektorunda mobil ödəniş sistemlərinin geniş yayılması və nəqliyyat sahəsində m10 kimi texnologiyaların tətbiqi bunu göstərir.

Lakin avtomobil xidmətlərinin tam rəqəmsallaşması üçün bəzi əsas infrastruktur və istifadəçi davranışı məsələləri hələ də inkişaf mərhələsindədir.

Parkomatların əksəriyyəti artıq nağdsız işləyir. Yanacaqdoldurma məntəqələrinin bir çoxunda telefonla ödəniş mümkündür. m10 kimi platformalar vasitəsilə tezliklə avtomobilinlə bağlı ödənişləri (yanacaq, parklama, servis xidmətləri) asanlıqla həyata keçirə biləcəksən. Bu, rəqəmsal keçidin artıq başladığını göstərir.