Avtomobil sənayesi texnologiyası sürətlə dəyişir və artıq sükan arxasında təkcə sürücü deyil, həm də smartfonlarımız var. Bu gün bir çox sürücü üçün telefon sadəcə zəng və naviqasiya vasitəsi deyil – o, avtomobilin tam hüquqlu bir idarəetmə panelinə çevrilib. Bəzi avtomobillər artıq smartfon vasitəsilə işə salına, idarə oluna hətta parklana bilir. Avtomobil üçün lazım olan xidmətlər də tam rəqəmsallaşmağa doğru gedir. Mobil Notariat və s. kimi tətbiqlər artıq notariata getmədən bir neçə dəqiqə ərzində sürücülük və həmçinin alqı-satqı etibarnaməsini verməyə kömək edir.

Yeni nəsil avtomobil tətbiqləri sənin telefonunu avtomobilin bir hissəsinə çevirir. Avtomobilin qapılarını açmaq, mühərriki işə salmaq, kondisioneri əvvəlcədən aktivləşdirmək – bunların hamısını bir neçə toxunuşa etmək olur. Bəzi tətbiqlər avtomobilin harada olduğunu göstərir, yol qəzası zamanı yardım çağırır, hətta park edilmiş yeri belə yadda saxlayır.

Bu tətbiqlər sayəsində sən artıq avtomobilinin vəziyyətindən xəbərdar ola bilərsən: yanacaq səviyyəsi, akkumulyatorun vəziyyəti, texniki nasazlıqlar və s. Bəzi sistemlər isə avtomatik texniki xidmət vaxtını sənə xatırladır və servis mərkəzi ilə birbaşa əlaqə yaradır. Avtomobilin texniki baxış müdətti olsun yaxud hansısa ehtiyyat hissəsinin dəyişmə vaxtı, telefonunla bu kimi mühüm məsələləri izləyib və xəbərdar ola bilərsən.

Tətbiqlər sayəsində avtomobilin oturacaq mövqeyindən tutmuş musiqi siyahısına qədər hər şey fərdi seçimlərinə uyğunlaşdırılır. Bir çox tətbiq təhlükəsizlik sistemlərini, kamera görüntülərini və sürət limitlərini birbaşa telefonda göstərir. Hətta sürüş tərzini, qeyri stabil manevrləri təyinat nöqtəsinə çatdıqda görə biləcəksən.