Birinci misalımız “Sovetin vaxtında” əfsanəyə çevrilən və insanlar tərəfindən hələ də sevilən VAZ 2107-dir. Qiyməti 2 000–15 000 arasında dəyişən 07-ni normal vəziyyətdə 5 000-ə əldə etmək olar. Bəs bu maşının illik xərcləri?

Deyək ki, il ərzində 10 000 km sürmüsən. 07-nin benzin sərfiyyatını da 100 km üçün təxmini 10 litr və 1 litr 92-nin qiymətini 1.15 ₼ nəzərdə tutsaq, illik yanacağa xərclədiyin məbləğ təxmini 1150 ₼ təşkil edəcək.

Avtomobilin texniki baxışı və xırda təmir işləri də vacib məqamlardandır. İldə 10 000 km yol getmisənsə, deməli, maşının yağını 2 dəfə dəyişdirmisən. Bura daxil olan digər xərclər isə təxmini aşağıdakı kimidir:

İkinci nümunəmiz el arasında "Forik" kimi də tanınan, ralli əfsanəsinə çevrilmiş "Subaru Forester" modelidir. Bu model ilinə, mühərrikinə və vəziyyətinə görə bazarda fərqlənir. Normal vəziyyətdə olan "Forester"i 20 000−25 000 ₼ aralığında tapmaq olar.

Başlayaq elə yanacaq sərfiyyatından. "Forester" üçün şəhər və qarışıq rejimdə 100 km-ə orta hesabla 13 litr benzin sərfiyyatı real göstərici sayılır. 1 litr AI-95 benzinin qiymətini 1.60 ₼-dan dəyərləndirsək, ildə sürdüyün 10 000 km sənə 2080 ₼-a başa gələcək.

Hə, başlıqdan da göründüyü kimi, sonuncu nümunəmiz baxışları avtomatik özünə toplayan G 63-dür. Təbii ki, bu cür lüks maşını saxlamaq da baha başa gəlir.

G 63-ün benzin sərfiyyatı qarışıq rejimdə təxminən 18 l/100 km-dir. 98 benzinin 1 litr üçün qiymətini 2.30 ₼-dan götürsək və il ərzində 10 000 km yol sürsən, illik 4 140 ₼ benzinə xərcləmiş olacaqsan.