Bir çox fərqli investisiya növləri mövcuddur və onların hər birinin investisiya növünün üstünlükləri/mənfi cəhətləri var. Ən populyar investisiya növlərindən bəziləri isə bunlardır:

⭐ Səhmlər. Səhmlər sahibinə şirkətdə pay almaq hüququ verən qiymətli kağızlara deyilir. Səhmlərə investisiya qoymaqla, şirkətin dəyəri artarsa pul qazana bilərsən.

⭐ İstiqrazlar. İstiqrazlar bir şirkətin və ya dövlətin verdiyi borc öhdəlikləridir. İstiqrazlara investisiya qoymaqla müntəzəm faiz ödənişləri ala bilərsən.

⭐ Daşınmaz əmlak. Daşınmaz əmlak ən populyar investisiya növlərindən biridir. Daşınmaz əmlaka investisiya qoymaqla, əmlakın dəyəri artarsa və ya on icarəyə götürülərsə, pul qazana bilərsən.

⭐ Qiymətli metallar. Qızıl və gümüş kimi qiymətli metallar etibarlı varlıq hesab olunurlar. Qiymətli metallara investisiya qoymaqla pul qazanmağdan savayı, həmçinin inflyasiyadan qoruya bilərsən.

Əgər investisiya barədə yetərincə məlumatın varsa və özünü buna hazır hiss edirsənsə, o zaman başlamaq üçün ilk öncə broker (vasitəçi) hesabı açmalısan. Broker hesabı, sənin investisiyalarını saxlayan hesabdır. Onun köməyi ilə aktivləri ala və ya sata bilərsən.

Bütün investisiyalar risklə bağlıdır. Bu bəsid fəlsəfəni anlamaq lazımdır! Bir şeyi də anlamaq lazımdır ki, investisiya səni bir anda varlı insana çevirməyəcək. Beləliklə riskin olması pulunu itirmə ehtimalını yüksəldir. Həmçinin investisiya gəliri nə qədər yüksək olarsa, riski də o qədər yüksək olacaq. Gördüyün kimi incəliklər çoxdur. Yaxşı, bəs riski minimuma endirməyin üsulları var? Təbii ki var.

Riski azaltmaq üçün ən əsaslı üsul investisiya (maliyyə) portfelini şahələndirməkdir (diversifikasiya):

⚡ İnvestisiya portfeli fərdi, şirkət, maliyyə institutu və ya s. tərəfindən saxlanılan investisiya və ya aktivlər toplusuna deyilir.

⚡ Diversifikasiya investisiyalarının müxtəlif aktivlər arasında bölüşdürülməsi prosesinə deyilir. Diversifikasiya riski azaltmağa kömək edir, çünki bir aktiv dəyərini itirərsə, digər aktivlər (əgər onların qiymətləri bu an artarsa), sənin itkilərini kompensasiya edə bilər.

İnvestisiya etməyə başlamağına kömək edəcək bir neçə ipucu:

✅İnvestisiya əsaslarını öyrən. İnvestisiya etməyə başlamazdan əvvəl investisiya qoyuluşunun əsas anlayışlarını və prinsiplərini başa düşməlosən.
✅Kiçik vəsitlərdən başla. Böyük miqdarda pulla investisiya qoymağa qətiyyən başlamamalısan. İtirə biləcəyin və sənə psixoloji cəhətdən təsir etməyəcək kiçi, komfortlu bir məbləğlə başla.
✅Səbirli ol. İnvestisiya uzunmüddətli bir oyundur. Bir gecədə zəngin olacağını gözləmə.